2025-жылдын 14-февралында “Кыргыз Республикасынын Мамлекеттик өнүктүрүү Банкы” ААКсынын кызматкерлерин 2024-жылдын 31-декабрындагы № 209 “Кыргыз Республикасынын коррупцияга каршы аракеттенүү чөйрөсүндөгү айрым мыйзам актыларына өзгөртүүлөрдү киргизүү жөнүндө” Кыргыз Республикасынын Мыйзамынын ченемдери менен тааныштыруу боюнча лекция болуп өттү.
Бул иш-чара Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси А.А. Касымалиевдин тапшырмасын аткаруу үчүн өткөрүлдү.
Лекциянын жүрүшүндө Банктын кызматкерлери Кыргыз Республикасынын коррупцияга каршы мыйзамдарындагы, анын ичинде Кыргыз Республикасынын Кылмыш-жаза кодексиндеги жаңылыктар менен кеңири таанышышты.
Ошондой эле Банктын бардык кызматкерлери тарабынан коррупцияга каршы аракеттенүү чөйрөсүндөгү чектөөлөрдү кабыл алууга жана макулдук берүүгө жазуу жүзүндөгү милдеттенмелерге кол коюлду.
Иш-чараны жыйынтыктап жатып, “Кыргыз Республикасынын Мамлекеттик өнүктүрүү Банкы” ААКсынын Башкармалыгынын төрагасынын орун басары Ч. Кененбаев укук колдонуу практикасынын айрым учурларын түшүндүрүп, Кыргыз Республикасынын коррупцияга каршы мыйзамдарындагы жаңылыктар коррупциялык укук бузууларды жасоонун алдын алууга, тартипти жана кызмат адамдарынын жоопкерчилигинин деңгээлин жогорулатууга, Кыргыз Республикасынын жогорку саясий жетекчилигинин коррупциялык көрүнүштөрдү жоюу боюнча ички саясий курсунун чараларын андан ары ишке ашыруунун алкагында багытталганын баса белгиледи.