Кыргыз Республикасынын Мамлекеттик өнүктүрүү банкы энергетика тармагындагы стратегиялык маанилүү долбоорлорду ырааттуу колдоону улантууда.
Туруктуу инфраструктураны өнүктүрүү жана региондун экономикасын стимулдаштыруу максаттарынын алкагында Банк «ЧуйРусГидро» ЖЧКсынын долбоорун — Чүй облусунун Ысык-Ата районундагы Туюк дарыясында чакан ГЭСти (ЖЭБ) курууну каржылады.
Долбоордун жалпы баасы 516 миллион сомду түзөт. ЖЭБдин орнотулган кубаттуулугу 7,5 МВт, ал эми жылдык электр энергиясын өндүрүү 29,16 млн кВт саатка жетет. Бул көлөм 15 миңге чейин адамды электр энергиясы менен камсыз кылууга жетет, бул аймактагы энергетикалык тартыштыкты кыскартууга чоң салым болот.
Долбоордун негизги натыйжалары:
🔹 Жумуш орундарын түзүү — курулуш жана эксплуатация учурунда 7 жаңы жумушчу орун түзүлөт.
🔹 Салыктык түшүүлөрдүн көбөйүшү — мамлекеттик бюджетке жылдык төлөмдөр (пайдага, эмгек акыга, мүлккө жана жерге салыктар) жыл сайын өсүү перспективасы менен 15 миллион сомдон ашык сумманы түзөт.
🔹 Инфраструктураны өнүктүрүү — долбоор электр линияларын жана көмөкчордондорду курууну камтыйт, бул энергия менен камсыздоонун ишенимдүүлүгүн жогорулатат жана аймактагы аварияларды азайтат.
🔹 Калктын жашоо сапатын жакшыртуу — туруктуу электр энергиясына жетүү калктын салттуу энергия булактарына (көмүр, отун) чыгымдарын азайтат.
🔹 Экологиялык туруктуулук — энергиянын кайра жаралуучу булагын колдонуу CO₂ эмиссиясын азайтат жана углеводород ресурстарына көз карандылыкты азайтат.
