8-сентябрдан 12-сентябрга чейин Кыргыз Республикасынын Мамлекеттик өнүктүрүү банкы миссиянын иш сапарынын алкагында Дүйнөлүк банктын эксперттери менен бир катар расмий жолугушууларды өткөрдү. Иш сапар Мамлекеттик өнүктүрүү банкы менен кызматташууну тереңдетүүгө жана «Микро, кичи жана орто ишканалар (МИК) үчүн туруктуу каржы рынокторун өнүктүрүү» долбоорунун алдыдагы башталышына даярдык көрүүгө арналды, анын алкагында Кыргыз Республикасы 120 млн АКШ доллары өлчөмүндө каржылоо алат. Сүйлөшүүлөрдүн жүрүшүндө тараптар долбоордун деталдарын, аны ишке киргизүүгө даярдыктын деңгээлин, колдоонун артыкчылыктуу багыттарын, ошондой эле мындан аркы өз ара аракеттенүү маселелерин кеңири талкуулашты. Долбоор чакан жана орто бизнестин финансылык ресурстарга жеткиликтүүлүгүн кеңейтүүгө жана туруктуу “жашыл” финансылык чечимдерди илгерилетүүгө багытталган.
Дүйнөлүк банктын делегациясы Кыргыз Республикасынын Мамлекеттик өнүктүрүү банкынын кредиттик макулдашууну ратификациялоонун ички жол-жоболорун аяктоо процессине кошкон салымын жана бүтүндөй долбоорду ишке ашырууга даярдык көрүүнүн комплекстүү мамилесин жогору баалады.
