2026-жылдын 29-январында Кыргыз Республикасынын Мамлекеттик өнүктүрүү банкы менен Европа реконструкция жана өнүктүрүү банкынын делегациясынын ортосунда жумушчу жолугушуу өттү.
Жолугушуунун жүрүшүндө тараптар чакан жана орто бизнес долбоорлорун каржылоонун потенциалдуу мүмкүнчүлүктөрүн, ошондой эле туруктуу экономикалык өнүгүүнү колдоого багытталган кызматташуунун жалпы багыттарын талкуулашты. Диалогдун жүрүшүндө биргелешкен кызматташтык күн тартибин иштеп чыгуу жана кызматташууну андан ары кеңейтүү мүмкүнчүлүктөрү боюнча пикир алмашышты. Тактап айтканда, тараптар мүмкүн болгон каржылоо инструменттерин, ошондой эле Мамлекеттик өнүктүрүү банкы үчүн кредиттик линияларды ачуу мүмкүнчүлүгүн талкуулашты.
Жолугушуунун жыйынтыгында тараптар өнөктөштүктү андан ары чыңдоого өз ара кызыкдар экенин тастыкташты жана кызматташуунун келечектүү багыттары боюнча диалогду жана консультацияларды улантууга макулдашышты.