Кыргыз Республикасынын Мамлекеттик өнүктүрүү банкы мамлекеттик бюджеттин киреше бөлүгүн түзүүгө активдүү катышкандыгы жана салык мыйзамдарын абийирдүү сактаганы үчүн Кыргыз Республикасынын Министрлер Кабинетинин алдындагы Мамлекеттик салык кызматынан ыраазычылык кат алды.

Салык органдарынын бул таануусу банктын ачык-айкын ишин жана жогорку финансылык тартибин тастыктайт. Мамлекеттик өнүктүрүү банкы корпоративдик башкаруунун эң мыкты тажрыйбаларын кармана берет жана өлкөнүн экономикасынын туруктуу өнүгүшүнө жана бюджет системасын чыңдоого салым кошууну көздөйт.