Заявка на финансирование

Кепилдиктер

Максаттуу топ

Кыргыз Республикасынын аймагында 6 айдан кем эмес өзүнүн ишин жүргүзгөн, Кыргыз Республикасынын мыйзамдарына ылайык түзүлгөн юридикалык жактар (чарба жүргүзүүчү субъекттер). Акционердик коом, жоопкерчилиги чектелген коом жана мамлекеттик ишкана формасында түзүлгөн чарба жүргүзүүчү субъекттер.

Максаттуу арналышы

Банктык кепилдиктердин төмөнкүдөй түрлөрүн берүү:

1) Тендерге катышууга банктык кепилдик
2) Аткарууга банктык кепилдик
3) Төлөмгө банктык кепилдик
4) Аванстык төлөмдү кайтарууга банктык кепилдик

Банктык тендердик кепилдик
• Айкын же коммерциялык сатып алуулардын катышуучусунун тапшырыкчынын алдында өз милдеттенмелерин аткаруу: тиешелүү сапаттагы жана мөөнөтүндө товарды жеткирүү, кызмат көрсөтүү же иштерди аткаруу жөндөмдүүлүгүн ырастаган кепилдик.
Аткарууга банктык кепилдик
• Милдеттенмелерди аткаруу кепилдиги Принципалдын келишимдик милдеттенмелерди аткаруусун кепилдейт.
Төлөмгө банктык кепилдик
• Алынган товардын же кызматтын эквиваленттүү наркы катары белгиленген, келишимдин бааны төлөө боюнча сатып алуучунун милдеттенмелерин жабуу үчүн берилген төлөм кепилдиги.
Аванстык төлөмдү кайтарууга банктык кепилдик
• Аванстык төлөмдү кайтаруу кепилдиги эгерде кардар (Принципал) өзүнүн келишимдик милдеттенмелерин аткарбаса, Бенефициарга аванстык төлөмдөрдү кайтарып берүүнү кепилдейт.

Каржылоо суммасы

• Бир Принципалга же байланыштуу Принципалдардын тобуна карата кепилдиктин максималдуу өлчөмү Банктын таза жалпы капиталынын 25%ынан ашпоого тийиш.
• Кепилдиктин минималдуу өлчөмү – 5 млн сомду түзөт.

Каржылоо сектору

Төмөнкү тармактарда иштеген чарбалык субъекттер:
- Өнөр жай;
- Чийки затты казып алуу жана кайраиштетүү;
- Жашыл каржылоо;
- IT технологиялар, электрондук коммерция;
- Транспорт жана логистика, жана башкалар.

Валютасы

- Кыргыз сому
- Чет өлкө валютасы

Мөөнөтү

3 жылга чейин (36 ай)

Банктык кепилдиктерди чыгаруу үчүн Банктын комиссиясы

10 миллион сомго чейинки банк кепилдиги үчүн (же Улуттук банктын курсу боюнча чет өлкө валютасындагы эквиваленти), берүү акысы кепилдик суммасынын 2% өлчөмүндөгү бир жолку төлөмдү түзөт.
10 миллион сомдон ашык (же Улуттук банктын курсу боюнча чет өлкө валютасындагы эквиваленти) банк кепилдиги үчүн берүү акысы кепилдик суммасынын 0,5% түзөт.

Параметрлери

Принципалдын аткаруу органынын курагы
Кепилдиктер алардын аткаруу органынын курагы кредит келишимине/ кепилдик берүү келишимине кол коюу учурунда 20 жаштан улуу жана 65 жаштан ашпаган, юридикалык жактарга, Кыргыз Республикасынын резиденттерине берилет. Бул курактык чектөөнү сактаганда Принципалдын аткаруу органы милдеттүү түрдө коллегиялуу болушу керек.
Каржылоо боюнча камсыздоо
• КР мамлекеттик органдарынын, КР Министрлер Кабинетинин, эл аралык финансы институттарынын, банктардын жана КР Кепилдик фондунун кепилдиктери;
• КРнын мамлекеттик баалуу кагаздары;
• Кыймылсыз мүлк, анын ичинде жер участоктору;
• Эсептеги акча каражаттары;
• Жабдуу, транспорт каражаттары;
Кошумча камсыздоо катары кабыл алынышы мүмкүн:
• Үчүнчү жактардын кепилдиги, алардын алгылыктуулугу Банктын Күрөө саясатына ылайык Банк тарабынан бааланат;
• Банктын Күрөө саясатына ылайык камсыздоонун башка түрлөрү.
Күрөөлүк камсыздоону баалоо
• Күрөөлүк мүлктүн наркын баалоо Банк тарабынан өнөктөш компаниялардын тизмесине киргизилген жана Банктын сайтында жайгаштырылган көз карандысыз баалоо компаниясы тарабынан жүргүзүлөт
• Күрөөлүк мүлктүн наркын баалоону жүргүзүү датасы каржылоону алууга билдирмени берүү датасына карата 6 (алты) ай мөөнөттөн ашпоого тийиш.
• Банк баалоо наркын өзгөртүү укугун өзүнө калтырат.
Күрөө предметин камсыздандыруу
Күрөө предметин камсыздандыруу (кыйроо, жоготуу, уурдатуу, бузуу жана оору тобокелдигине байланыштуу) ар бир долбоор боюнча өзүнчө Банктын Башкармасынын чечими менен аныкталат.
Өзгөчө шарттар
• Кепилдикти тариздөө жана күрөөлүк мүлктү каттоо менен байланыштуу бардык чыгымдар Принципал тарабынан төлөнөт;
• Принципал күрөө предметинин сакталышы жана талаптагыдай пайдалануу үчүн жоопкерчилик тартат.
Чектөөлөр
Банк бербейт:
• камсыздоосуз кредит;
• жеке адамдарга кредит;
• мурда берилген кредиттер/кепилдиктер боюнча Принципалда мөөнөтү кечиктирилген милдеттенмелер болгондогу кепилдиктер;
• Кыргыз Республикасынын Финансы министрлигине, КР Министрлер Кабинетине, башка мамлекеттик органдарга жана жергиликтүү өз алдынча башкаруу органдарына кепилдиктер.
Кепилдикке өзгөртүүлөрдү киргизүү
Банктык кепилдикке өзгөртүүлөр киргизилгенде, өзгөртүлгөн шарттар төмөндөгүлөргө ылайык Банктын ыйгарым укуктуу органы тарабынан бекитилиши керек:
1) Сумманы, пайыздык ченди, күрөөлүк камсыздоону кайра кароо – чечим бекитилген ыйгарым укуктардын алкагында Банктын ыйгарым укуктуу органы (Башкарма же Директорлор кеңеши) тарабынан кабыл алынат.
2) 1-пунктта каралбаган банктык кепилдиктин шарттарын өзгөртүү – чечим Кредит комитети тарабынан кабыл алынат.
Банктык кепилдикке өзгөртүүлөрдү киргизүү үчүн комиссия
10 000 сом

*Банк бул Программанын шарттарын өзгөртүү укугун өзүнө калтырат

Банктын башка кызматтары

    Каржылоо арызы

    Кредиттик калькулятор