Төмөнкү талаптарга жооп берген коммерциялык банктар, Өнүктүрүү фонддору:
• Акыркы 1 жыл ичинде чыгашасыздык боюнча талапка ылайык келген финансылык отчетко ээ болгон;
• КРУБ бардык экономикалык нормативдерин сактаган (эгерде уюм КРУБ тарабынан лицензияланса);
• КР мыйзамдарында белгиленген нормативдерди сактаган;
• КРУБ тарабынан төмөнкүдөй олуттуу мүнөздөгү кандайдыр бир санкцияларга ээ болбогон (эгерде уюм КРУБ тарабынан лицензияланса):
- кредиттөө боюнча операцияларды жүргүзүүгө чектөө же тыюу салуу;
- банктык эсептерди ачуу жана жүргүзүү боюнча операцияларды жүргүзүүгө чектөө же тыюу салуу;
- депозиттерди кабыл алуу боюнча операцияларды жүргүзүүгө чектөө же тыюу салуу;
- түз банктык көзөмөлдү киргизүү;
- убактылуу башкарууну киргизүү;
- лицензияларды артка чакыртып алуу.
Эгерде коммерциялык банк же өнүктүрүү фонду Банктын өнөктөштөр тизмесине киргизилбесе, Банк менен коммерциялык банктын/ өнүктүрүү фондунун ортосунда белгиленген үлгүдө кызматташтык жөнүндө меморандумга кол коюу керек.