2026-жылдын 24-сентябрында Кыргыз Республикасынын Мамлекеттик өнүктүрүү банкы менен Азия өнүктүрүү банкынын миссиясынын ортосунда жумушчу жолугушуу болуп өттү.
Жолугушуунун жүрүшүндө тараптар кызматташуунун учурдагы багыттарын, ошондой эле Кыргыз Республикасынын каржы рыногун андан ары өнүктүрүүгө жана өлкөнүн экономикасы үчүн инвестициялык мүмкүнчүлүктөрдү кеңейтүүгө багытталган биргелешкен демилгелерди ишке ашыруу мүмкүнчүлүктөрүн талкуулашты.
Жолугушуунун негизги темаларынын бири ата мекендик рейтинг агенттигин түзүү келечеги болду. Тараптар мындай институттун каржы рыногунун ачык-айкындуулугун жогорулатууда, кредиттик тобокелдиктерди баалоо механизмдерин иштеп чыгууда жана ата мекендик компаниялар жана каржы институттары үчүн инвестициялык ресурстарга жетүүнү кеңейтүүдө потенциалдуу ролу боюнча пикир алмашышты.
Кыргыз Республикасынын Мамлекеттик өнүктүрүү банкы менен Азия өнүктүрүү банкынын ортосундагы кызматташтыкты, анын ичинде инвестицияларды тартуу жана келечектүү долбоорлорду каржылоо мүмкүнчүлүктөрүн бекемдөөгө өзгөчө көңүл бурулду. Жолугушуунун катышуучулары кызматташуунун потенциалдуу багыттарын жана өнөктөштүктү өнүктүрүүнүн андан аркы кадамдарын талкуулашты.
Жолугушуунун жыйынтыгында тараптар конструктивдүү диалогду улантууга жана өз ара кызыкчылык жараткан тармактарда биргелешкен ишти улантууга кызыкдар экендиктерин билдиришти.